თბილისი, 26 ნოემბერი – Sputnik. ზუგდიდის მუნიციპალიტეტის სოფელ ერგეტაში ახალგაზრდა მამაკაცმა საკუთარი ბიძა სანადირო თოფით მოკლა, იუწყება ტელეკომპანია Imedi.
53 წლის მამაკაცი ადგილზე გარდაიცვალა. სამართალდამცველების ინფორმაციით, მკვლელობა ურთიერთშელაპარაკების ნიადაგზე მოხდა.
სამეგრელო-ზემო სვანეთის პოლიციის დეპარტამენტის თანამშრომლებმა მომხდარი ცხელ კვალზე გახსნეს და 1998 წელს დაბადებული ლ.ა. განზრახ მკვლელობის ბრალდებით დააკავეს.
პოლიციამ დანაშაულის ჩადენის იარაღი - სანადირო თოფი ნივთმტკიცებად ამოიღო.
გამოძიება განზრახ მკვლელობის ფაქტზე, საქართველოს სსკ-ს 108-ე მუხლით მიმდინარეობს.
ჩადენილი დანაშაული 7-დან 15 წლამდე ვადით თავისუფლების აღკვეთას ითვალისწინებს.
