თბილისი, 24 ნოემბერი – Sputnik. ქუთაისში, ნიკეას დასახლებაში, 32 წლის ქალი მრავალსართულიანი საცხოვრებელი კორპუსის მე-7 სართულიდან გადმოვარდა და გარდაიცვალა, იუწყება პირველი არხი.
თვითმხილველების ინფორმაციით, მომხდარს წინ უძღოდა ოჯახური კონფლიქტი.
ადგილზე მობილიზებულია საპატრულო პოლიცია.
გამოძიება სსკ-ის 115-ე მუხლით მიმდინარეობს, რაც თვითმკვლელობამდე მიყვანას გულისხმობს და თავისუფლების აღკვეთით ვადით 2-დან 4 წლამდე ისჯება.
