ვითარება მესტია–ლასდილის გზის მონაკვეთზე – ზვავსაშიშროებამ პრობლემები შექმნა

© Photo: сourtesy of Elizabeth Joudroსვანეთი
სვანეთი - Sputnik საქართველო
გამოწერა
გზის ერთი მონაკვეთი მთლიანად ჩაიკეტა, მეორე მონაკვეთზე აკრძალულია დიდი ზომის ტრანსპორტის მოძრაობა.

თბილისი, 22 ნოემბერი — Sputnik. ზვავსაშიშროების გამო ზუგდიდი–ჯვარი–მესტია–ლასდილის საავტომობილო გზის 186-198-ე კმ (უშგული-ლასდილი) მონაკვეთზე ყველა სახის ავტოტრანსპორტის მოძრაობა აკრძალულია, ნათქვამია საავტომობილო გზების დეპარტამენტის მიერ გავრცელებულ განცხადებაში.

უწყების ცნობით, თოვლისა და ლიპყინულის გამო ამავე გზის 138–186 კმ (მესტია-უშგული) მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტისა და 30 ადგილზე მეტი ტევადობის ავტობუსების მოძრაობა. ხოლო დანარჩენი სახის ავტოტრანსპორტის მოძრაობა თავისუფალია.

გავრცელებული ინფორმაციით, გზის 1-138 კმ მონაკვეთზე ავტოტრანსპორტის მოძრაობა თავისუფალია.

შექმნილი ვითარებიდან გამომდინარე, საავტომობილო გზების დეპარტამენტი მოსახლეობას მოუწოდებს, დაემორჩილონ საავტომობილო გზებზე დაწესებულ რეჟიმებს.

ყველა ახალი ამბავი
0