თბილისი, 21 ნოემბერი — Sputnik. ჩოხატაურის მუნიციპალიტეტის ორ სოფელში მეწყერი ჩამოწვა, იუწყება „Sputnik-საქართველო“ კორესპონდენტი.
არსებული ინფორმაციით, სოფელ ჩხაკაურაში მეწყერი დღის პირველ ნახევარში ჩამოწვა, ხოლო სოფელ ზოტში - ერთი საათის წინ.
მუნიციპალიტეტის მერის, ირაკლი კუჭავას განცხადებით, ამ დროისთვის მიმდინარეობს გზის გაწმენდითი სამუშაოები.
სოფელ ჩხაკაურაში გაწმენდით სამუშაოებს კომპანია „გზამშენი 18" აწარმოებს, ხოლო სოფელ ზოტში - ჩოხატაურის მერია.
