ტურაშვილი: ეს ტიტული რომ მოენიჭებინათ, ნაშრომთან ერთად გოჭი და კონიაკიც უნდა გაგეგზავნა
„იმ დროს მწერალი იყო ადამიანი, რომელიც სადღაც ღრუბლებთან იწვა ჯინსები არა, მაგრამ შარვალ-კოსტუმი ეცვა, საქაღალდე ეჭირა და მწერლის მოწმობა ჰქონდა“- ამბობს დათო ტურაშვილი სატელევიზიო გადაცემაში.
დათო ტურაშვილი-მწერალი, სწავლობდა თბილისის სახელმწიფო უნივერსიტეტში და ლონდონისა და მადრიდის უნივერსიტეტებში კინოს, ლიტერატურისა და ხელოვნების ისტორიას. გამოქვეყნებული აქვს ჩვიდმეტი წიგნი. მოთხრობების გარდა, არის პიესებისა და რომანების ავტორიც და სხვადასხვა პერიოდში დაწერილი აქვს კინო-სცენარებიც როგორც დოკუმენტური, ასევე მხატვრული ფილმებისთვის. მისი წარმატებული ბესტსელერი, რომანი “ჯინსების თაობა” თარგმნილია თორმეტ ენაზე და გამოცემულია ცხრა ქვეყანაში.
