თბილისის ცენტრში ზაზა სარალიძემ და მისმა მხარდამჭერებმა პროტესტის ნიშნად კარვები გაშალეს. ნახეთ „Sputnik-საქართველოს“ ფოტოკადრები, რა ხდებოდა ღამით რუსთაველის გამზირზე.
თბილისში ქუჩური გარჩევისას მოკლული დავით სარალიძის მამა ზაზა სარალიძე და მისი მხარდამჭერები საპროტესტო აქციებს განაგრძობენ
საპროტესტო აქციები 31 მაისს დაიწყო მას შემდეგ, რაც საქალაქო სასამართლომ დავით სარალიძისა და ლევან დადუნაშვილის მკვლელობის საქმეზე გადაწყევტილება გამოიტანა
ზაზა სარალიძე მისი შვილის მკვლელების დასჯის გარდა, ასევე მოითხოვს ვადამდელ საპარლამენტო არჩევნებს. შაბათ ღამით მან მხარდამჭერებთან ერთად დაიწყო კარვების დადგმა პარლამენტის წინ, რასაც პოლიციასთან შეხლა-შემოხლა მოჰყვა
კარვების დადგმა სარალიძემ და არასამთავრობო ორგანიზაციებმა მას შემდეგ გადაწყვიტეს, რაც თბილისის მერიამ მოკლული მოზარდის მამას, პარლამენტის წინ საახალწლო ნაძვისხის დადგმის მოტივით, სხვა ადგილას გადანაცვლება მოსთხოვეს
ზაზა სარალიძის მხარდასაჭერად არასამთავრობო ორგანიზაციებმა წამოიწყეს აქცია „კარვებით დავიცვათ თავისუფლება!“
ზაზა სარალიძე, რომელმაც უარი განაცხადა ტერიტორიის დატოვებაზე, შეხლა-შემოხლაში შეუძლოდ გახდა. ამიტომ საჭირო გახდა სასწრაფო დახმარების გამოძახება
ზაზა სარალიძემ რამდენიმე საათი გაატარა ექიმთა მეთვალყურეობის ქვეშ, შემდეგ კი ისევ აქციას დაუბრუნდა
პოლიციამ ვერ აღკვეთა კარვების დადგმა, ამიტომ იმით შემოიფარგლა, რომ კარვების გარშემო ჯაჭვი შეკრა
შაბათ-კვირის ღამით ზაზა სარალიძემ და არასამთავრობო ორგანიზაციებმა პარლამენტის წინ ათობით კარავი გაშალა
კვირას საპროტესტო აქციაზე ხალხმრავლობა აღარ შეინიშნებოდა
კარვების ნაწილი აიღეს, ნაწილი კი კვლავ დგას პარლამენტის წინ. იქვე მორიგეობს პოლიციის გაძლიერებული რაზმები
საქართველოს შინაგან საქმეთა მინისტრ გიორგი გახარიას განცხადებით, სამართალდამცველებს ჰქონდათ ინფორმაცია აქციაზე ვითარების დესტაბილიზაციის მცდელობის შესახებ, შესაბამისად, ყველაფერი გაკეთდა საზოგადოებრივი წესრიგის შესანარჩუნებლად
