საქართველოში სულ უფრო მეტი ტურისტი ჩამოდის

© Sputnik / Alexander Imedashviliტურისტები თბილისის ქუჩებში
ტურისტები თბილისის ქუჩებში - Sputnik საქართველო
გამოწერა
ყველაზე მეტი ტურისტი საქართველოში მეზობელი ქვეყნებიდან ჩამოდის – რუსეთიდან, აზერბაიჯანიდან, თურქეთიდან და სომხეთიდან.

თბილისი, 6 ნოემბერი — Sputnik. საქართველოს ოქტომბერში 719 ათასზე მეტი უცხოელი მოგზაური ეწვია, რაც გასული წლის ანალოგიურ პერიოდთან შედარებით 9%-ით მეტია, განაცხადა ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ პრესკონფერენციაზე.

რაც შეეხება ტურისტულ ვიზიტებს, ოქტომბერში მათი რაოდენობა 407,2 ათასს აჭარბებს (+15,1%).

ყველაზე მეტი საერთაშორისო ვიზიტი განხორციელდა რუსეთიდან, აზერბაიჯანიდან, თურქეთიდან და სომხეთიდან.

ქვეყნების ხუთეული საერთაშორისო ვიზიტების რაოდენობის მიხედვით 2018 წლის ოქტომბერში

 

რუსეთი            139 366      +30,5

აზერბაიჯანი      110 955       +4,7

თურქეთი          107 313        -2,9

სომხეთი              74 159      -12,1

ირანი                  19 522        -4,5

ოქტომბერში ქვეყანა მოინახულა ქართული დიასპორის 39,9 ათასმა წარმომადგენელმა, რაც 2017 წლის ოქტომბერთან შედარებით 2,7%-ით მეტია.

განსაკუთრებული ზრდა დაფიქსირდა კორეის რესპუბლიკიდან (+77%), ჩინეთიდან (+60%), აშშ-დან (+50%), ბელარუსიდან (+35%), ყაზახეთიდან (+34%), საუდის არაბეთიდან (+30%).

ყველაზე მეტი უცხოელი საქართველოში სახმელეთო და საჰაერო ტრანსპორტით ჩამოდის.

ტრანსპორტის სახეობები და უცხოელი ვიზიტების შესაბამისი რაოდენობა და ზრდა წელიწადში (ვიზიტების რაოდენობა, ცვლილება წელიწადში და წილი ვიზიტების რიცხვში)

 

სახმელეთო      429 414     +2,6           70,3%

საჰაერო           174 792     +26,3         28,6%

რკინიგზა            4 244      +30,3         0,7%

საზღვაო              2 702      - 6,7           0,4%

იმ სასაზღვრო პუნქტებს შორის, საიდანაც საქართველოში უცხოელი ვიზიტორები შემოდიან, ლიდერობენ სარფის, თბილისის აეროპორტის და ყაზბეგის საკონტროლო-გამშვები პუნქტები.

საკონტროლო-გამშვები პუნქტების პირველი ხუთეული (ვიზიტების რაოდენობა, ცვლილება წელიწადში და წილი ვიზიტების რიცხვში)

 

თბილისის აეროპორტი   138 218     23,6    22,6%

ყაზბეგი                       101 710     10,2    16,6%

სადახლო                       96 834      5,7     15,8%

წითელი ხიდი                 92 223    10,8     15,1%

სარფი                            86 722     2,6      14,2%

ტურიზმის სფერო საქართველოში წლიდან წლამდე აქტიურად ვითარდება, რაც სტატისტიკურ მონაცემებში აისახება. ყოველწლიურად იხსნება ახალი სასტუმროები, კვების ობიექტებში ტარდება ხარისხის შემოწმება, მიმდინარეობს მომსახურე პერსონალის და გიდების გადამზადება.

ყველა ახალი ამბავი
0