თბილისი, 21 ოქტომბერი - Sputnik. უფლისციხეში 8 წლის ბავშვი ეკლესიის მიმდებარე ტერიტორიაზე კლდიდან 8 მეტრის სიმაღლიდან გადავარდა, იუწყება ტელეკომპანია Imedi.
დაშავებული კლინიკა „გორმედში“ გადაიყვანეს, სადაც რეანიმაციულ განყოფილებაში კვლევები უტარდება.
ექიმის განცხადებით, ბავშვს თავის არეში დაზიანება და დაჟეჟილობები აღენიშნება.
ვინაიდან კლინიკას ბავშვთა ქირურგი არ ჰყავს, კატასტროფის პედიატრიული ბრიგადა დაშავებულს თბილისში იაშვილის ბავშვთა კლინიკაში გადაიყვანს.
ბავშვი ესტონეთის მოქალაქეა.
