რომელ ქვეყანაში ამჯობინებენ სწავლას ქართველი სტუდენტები

© AFP 2023 / JEAN-PHILIPPE KSIAZEKსტუდენტები ლიონის უნივერსიტეტში
სტუდენტები ლიონის უნივერსიტეტში - Sputnik საქართველო
გამოწერა
НовостиTelegram
საზღვარგარეთ გაცვლით სასწავლო პროგრამებში მონაწილეობის გამოცდილება ქართველი სტუდენტების 3,5%-ს აქვს

თბილისი, 4 ოქტომბერი — Sputnik. ქართველი სტუდენტები გაცვლითი პროგრამებით ყველაზე ხშირად გერმანიაში მიდიან, იუწყება მარკეტინგული–საკონსულტაციო კომპანია ipm.

კვლევიდან ირკვევა, რომ საზღვარგარეთ გაცვლით სასწავლო პროგრამებში მონაწილეობის გამოცდილება ქართველი სტუდენტების 3,5%-ს აქვს; 50,9% არ ყოფილა, მაგრამ გეგმავს წასვლას, ხოლო 45,6% არ ყოფილა და არც მსგავსი გეგმები აქვს.

თბილისის ზედი მზიან ამინდში - Sputnik საქართველო
ნიჭიერმა ქართველმა სტუდენტებმა გერმანიაში სწავლის პრესტიჟული სტიპენდია მოიპოვეს

სტუდენტები, რომლებიც საზღვარგარეთ სწავლას არ აპირებენ, ყველაზე ხშირად ამის მიზეზად ასახელებენ ფინანსურ პრობლემებს (16%), უცხო ენის არასაკმარისი ცოდნასა (11%) და შერჩეულ ქვეყანაში არსებულ რეგულაციებს, როგორიცაა, მაგალითად, ვიზა და ა.შ. (10%).

იმ ქართველი სტუდენტებიდან, რომლებიც საზღვარგარეთ სასწავლო  პროგრამებში ჩართული იყვნენ, ყველაზე მეტი გერმანულ უმაღლეს სასწავლო დაწესებულებებში სწავლობდა (18,8%). მეორე ადგილზე კი თურქული უნივერსიტეტების სასწავლო პროგრამებში მონაწილეობაა (6,6%).

მარკეტინგული–საკონსულტაციო კომპანია ipm 1995 წელს შეიქმნა, რომელიც მრავალი წლის განმავლობაში თანამშრომლობს სხვადასხვა კვლევით ინსტიტუტებთან და მსხვილ კორპორაციებთან. კომპანია ამზადებს მარკეტინგულ, სოციალურ და პოლიტიკურ კვლევებს, ამუშავებს საკომუნიკაციო სტრატეგიებს, ახორციელებს საველე სამუშაოებს და ა.შ. 

ყველა ახალი ამბავი
0