თბილისი, 24 სექტემბერი – Sputnik. სამების საკათედრო ტაძარში რიგით 55–ე საყოველთაო ნათლობა სამშაბათს გაიმართება, იუწყება საინფორმაციო სააგენტო Новости-Грузия საქართველოს საპატრიარქოზე დაყრდნობით.
ნათლობის ცერემონია დღის მეორე ნახევარში დაიწყება. ამჯერად საქართველოს კათოლიკოს–პატრიარქის ნათლული 620 ბავშვი გახდება. ილია მეორე საკუთარ ნათლულებს დალოცავს.
დღესთვის სრულიად საქართველოს კათოლიკოს-პატრიარქს 36,1 ათასი ნათლული ჰყავს, რომლებიც ჯვარდაწერილი წყვილების მესამე და მომდევნო შვილები არიან.
პირველი საყოველთაო ნათლობა 2008 წლის 19 იანვარს ჩატარდა. უწმინდესის ინიციატივის მთავარი მიზანი საქართველოში დემოგრაფიული მდგომარეობის გაუმჯობესებაა.
