საქართველოს ნაკრები ფიფას რეიტინგში დაწინაურდა

© Sputnik / Alexander Imedashviliსაქართველოს ფეხბურთის ნაკრები
საქართველოს ფეხბურთის ნაკრები - Sputnik საქართველო
გამოწერა
საქართველოს ნაკრები ფარერის კუნძულებისა (1261) და ისრაელის (1247) გუნდებს შორის განთავსდა.

თბილისი,  20 სექტემბერი — Sputnik.  საქართველოს ფეხბურთის ეროვნული ნაკრები ფიფა/კოკა–კოლას განახლებულ რეიტინგში 96–ე ადგილიდან 93–ე ადგილზე დაწინაურდა.

ვლადიმირ ვაისის გუნდი 1 254 ქულით ფარერის კუნძულებისა (1261) და ისრაელის (1247) გუნდებს შორის განთავსდა. 

საქართველო-ლატვია : თამაშის ფრაგმენტი - Sputnik საქართველო
ფეხბურთის ფასი: საქართველოს ნაკრების მოთამაშეების ფასი ერთა ლიგის მატჩების შემდეგ გაიზარდა

საქართველოს ნაკრების პროგრესი, რა თქმა უნდა, გუნდის უეფას ერთა ლიგაში წარმატებულ გამოსვლასთანაა დაკავშირებული. გასვლით მატჩში ქართველმა ფეხბურთელებმა ყაზახეთის გუნდს 2:0 სძლიეს, რამდენიმე დღის შემდეგ კი თბილისში გამართულ მატჩში ლატვიის ნაკრები მინიმალური სხვაობით 1:0 დაამარცხეს.

შემდეგ ორ მატჩს საქართველოს ნაკრები უეფას ერთა ლიგის ფარგლებში ჩაატარებს –  13 ოქტომბერს საკუთარ მოედანზე  ანდორას წინააღმდეგ ითამაშებს, 16 ოქრომბერს კი რიგაში ლატვიის გუნდს დაუპირისპირდება.

ფიფას რეიტინგში ლიდერ პოზიციაზე აღმოჩნდა ბელგიის ნაკრები, სამეულს რუსეთის მსოფლიო ჩემპიონატის გამარჯვებული ხორვატიის ნაკრები ასრულებს.

 

ყველა ახალი ამბავი
0