ქართველი ჩოგბურთელი საფრანგეთში ტურნირის მეოთხედფინალში გავიდა

© photo: Eko Gorgodze / FBეკა გორგოძე
ეკა გორგოძე - Sputnik საქართველო
გამოწერა
ქართველმა ჩოგბურთელმა ბოლო 16 მატჩიდან 14–ში გამარჯვება მოიპოვა.

თბილისი, 20 სექტემბერი — Sputnik. საქართველოს ჩოგბურთში ქალთა ნაკრების ლიდერი ეკატერინე გორგოძე (WTA-ს რეიტინგში 166-ე ადგილი) ITF-ის სერიის ტურნირის მეოთხედფინალში გავიდა, რომელიც სენ–მელოში (საფრანგეთი) იმართება. 

ქართველი ჩოგბურთელი ეკატერინე გორგოძე - Sputnik საქართველო
ქართველი ჩოგბურთელი ჰეხინგენის ტურნირის ჩემპიონია

მერვედფინალის მატჩში გორგოძემ ორ სეტში (6:2, 6:4) დამაჯერებლად დაამარცხა კოლუმბიის წარმომადგენელი მარია გონსალესი.

ნახევარფინალში გასასვლელად ქართველი ჩოგბურთელი ირინა ბარასა (რუმინეთი) და კაგლა ბუიუქჩაის (თურქეთი) შორის გამარჯვებულს უნდა შეხვდეს.

აღსანიშნავია, რომ გორგოძემ ბოლო 16 მატჩიდან 14–ში გამარჯვება მოიპოვა. ასეთმა შედეგმა ქართველ სპორტსმენს შესაძლებლობა მისცა ზაფხულში ITF-ის სერიიდან ორი ტურნირი (ყაზახეთსა და გერმანიაში) მოეგო.

სენ–მელოში ტურნირი 23 სექტემბრამდე გაგრძელდება, მისი საპრიზო ფონდი კი 60 ათასი აშშ დოლარია.

 

ყველა ახალი ამბავი
0