თბილისი, 14 სექტემბერი — Sputnik. ერთი ადამიანი დაიღუპა და ცხრა დაშავდა ტყიბულში მომხდარი ავტოსაგზაო შემთხვევის შედეგად, განუცხადეს „Sputnik-საქართველოს“ შინაგან საქმეთა სამინისტროში.
გარდაცვლილი ქალბატონია. ტყიბულიდან სოფელ ცუცხვათის მიმართულებით მოძრავი მიკროავტობუსი გზაში ამოტრიალდა.
გამოძიების პირველადი ინფორმაციით, მძღოლი საჭეს ნასვამი მართავდა.
მომხდარ ფაქტთან დაკავშირებით გამოძიება სსკ-ის 276-ე მუხლის მეხუთე ნაწილით მიმდინარეობს, რაც სატრანსპორტო საშუალების მოძრაობის და ექსპლუატაციის წესების დარღვევას გულისხმობს.
