თბილისი, 9 სექტემბერი — Sputnik. ურეკში საგანგებო სიტუაციების მართვის სამსახურის მაშველებმა 4-ბალიან შტორმში, ზღვიდან ლატვიის მოქალაქე უვნებლად გამოიყვანეს, აღნიშნულია უწყების ვებგვერდზე გავრცელებულ განცხადებაში.
უწყების ინფორმაციით, 44 წლის ქალბატონის სიცოცხლეს ამ დროისთვის საფრხე არ ემუქრება.
მაშველების დახმარება დასჭირდათ გონიოშიც — 27 წლის მამაკაცი ზღვიდან უვნებლად გამოიყვანეს.
ამ წუთებში შავ ზღვაზე საშტორმო მდგომარეობაა გამოცხადებული. ზღვაში ბანაობა 10 სექტემბრის 10:00 საათამდე აკრძალულია. სამაშველო კოშკურებზე წითელი ალმებია გამოფენილი.
საგანგებო სიტუაციების მართვის სამსახური მოქალაქეებს მოუწოდებს დაემორჩილონ მაშველების რეკომენდაციებს.
შაბათს მაშველებმა შტორმის დროს ზღვიდან 23 ადამიანი გამოიყვანეს.
