თბილისი, 26 აგვისტო — Sputnik. გუშინ გვიან ღამით ბათუმში ახალგაზრდა მამაკაცი დაჭრეს, იუწყება საზოგადოებრივი მაუწყებლის პირველი არხი.
შემთხვევა მელაშვილის ქუჩაზე, ერთ-ერთი საცხოვრებელი კორპუსის სადარბაზოში მოხდა. არსებული ინფორმაციით, სიძე-სიმამრს ურთიერთშელაპარაკება მოუვიდა, რა დროსაც სიმამრმა სიძეს მუცლის არეში ცეცხლსასროლი იარაღიდან ესროლა.
დაჭრილი სამედიცინო დაწესებულებაში გადაიყვანეს, სადაც მას ოპერაცია ჩაუტარდა. ამ დროისთვის მისი ჯანმრთელობის მდგომარეობა სტაბილურად მძიმეა.
ადგილზე სასწრაფო-სამედიცინო დახმარების ბრიგადები და საპატრულო პოლიციის ეკიპაჟები იმყოფებოდნენ.
ამ დროისთვის მიმდინარეობს სამძებრო სამუშაოები დამნაშავის დასაკავებლად.
