თბილისი, 24 აგვისტო — Sputnik. საქართველოს პირველი ჩოგანი ქალთა შორის ეკატერინე გორგოძე (WTA-ს რეიტინგში 167-ე ადგილი) „დიდი სლემის" სერიიდან US Open ტურნირის ძირითად ბადეში ვერ გავიდა.
მეორე საკვალიფიკაციო რაუნდში გორგოძემ კანადელ ეჟენი ბუშართან (123) ორ სეტში წააგო - 1:6, 2:6.
Nailed it.@GenieBouchard defeats Gorgodze in straight sets. pic.twitter.com/pMOZPbu4d9
— Tennis Channel (@TennisChannel) 23 августа 2018 г.
მიმდინარე წლის ზაფხულში 26 წლის გორგოძემ ITF-ის სერიიდან ორი ტურნირი (ყაზახეთსა და გერმანიაში) მოიგო და WTA-ს რეიტინგში 267-ე ადგილიდან 167-ზე გადაინაცვლა. ეს ჩოგბურთელის კარიერაში საუკეთესო მაჩვენებელია.
US Open 27 აგვისტოს იწყება და 9 სექტემბრამდე გაგრძელდება. ტურნირის საპრიზო ფონდი წელს 25 მილიონ დოლარზე მეტია.
