თბილისი, 19 აგვისტო — Sputnik. საქართველოს მოქალაქე დაიღუპა სტავროპოლის მხარეში ავტობუსისა და „კამაზის“ შეჯახების შედეგად, იუწყება РИА Новости რუსეთის საგზაო მოძრაობის უსაფრთხოების სახელმწიფო ინსპექციაზე დაყრდნობით.
მანამდე რუსეთის საგანგებო სიტუაციების სამინისტროს პრესსამსახურში იუწყებოდნენ, რომ სარეისო ავტობუსი „თბილისი-კრასნოდარი“ სტავროპოლის მხარეში ანდროპოვსკის რაიონში „კამაზის“ ტიპის სატვირთოს შეეჯახა — ორი ადამიანი დაიღუპა, 17 ადამიანი, მათ შორის ხუთი ბავშვი საავადმყოფოში გადაიყვანეს.
„ამჟამად ცნობილია ავარიაში დაღუპული ორი მგზავრის შესახებ, ერთ-ერთი რუსეთის მოქალაქეა, მეორეს რუსეთის და საქართველოს ორმაგი მოქალაქეობა აქვს. ცხრა მგზავრს ტრავმები აქვთ მიღებული, დანარჩენები პირველადი სამედიცინი დახმარების აღმოჩენის შემდეგ გაწერეს. ცხრა დაჭრილიდან ორი ბავშვია, შვიდი — რუსეთის მოქალაქეები კრასნოდარის მხრიდან და ორი — საქართველოს მოქალაქეები არიან“, — აღნიშნეს საგზაო მოძრაობის უსაფრთხოების სახელმწიფო ინსპექციაში.
წინასწარი მონაცემებით, ავტობუსის მძღოლმა საჭე ვერ დაიმორჩილა და იგივე მიმართულებით მოძრავ სატვირთოსთან შეჯახება დაუშვა.
