ესპანურმა საფეხბურთო კლუბმა ქართველი ნახევარმცველი წარადგინა

© FB / Club Deportivo Lugoგიორგი აბურჯანია
გიორგი აბურჯანია - Sputnik საქართველო
გამოწერა
გასულ სეზონში 23 წლის აბურჯანიამ „სევილიას" ახალგაზრდულ გუნდში 21 მატჩი ჩაატარა

თბილისი, 7 აგვისტო — Sputnik. ესპანურმა საფეხბურთო კლუბმა „ლუგომ" საქართველოს ნაკრების ნახევარმცველი გიორგი აბურჯანია ოფიციალურად წარადგინა, ნათქვამია გუნდის ვებ-გერდზე.

აბურჯანია ესპანურ  „ლუგოში" ერთწლიანი იჯარის წესით გადავიდა და მომდევნო სეზონს ამ კლუბში გაატარებს.

 „მე აქ მენდობიან და ერთი წუთითაც არ დავფიქრებულვარ, როცა  „ლუგოში" გადასვლის შეთავაზება მივიღე. ბოლო დროს ეს კლუბი საკმაოდ პროგრესულია. რაც შეეხება ადგილს მინდორზე, მზად ვარ ნებისმიერ პოზიციაზე ვითამაშო, რომელსაც მწვრთნელი შემომთავაზებს", — განაცახდა აბურჯანიამ.

ქართველი ფეხბურთელი ახალ გუნდში 18 ნომრით ითამაშებს.

გასულ სეზონში 23 წლის აბურჯანიამ  „სევილიას" ახალგაზრდულ გუნდში 21 მატჩი ჩაატარა და ერთი შედეგიანი გადაცემით დაფიქსირდა.

რაც შეეხება  „ლუგოს", 2017/2018 წლის სეზონში გუნდმა 55 ქულა მოიპოვა და ესპანეთის მეორე დივიზიონში მე-12 ადგილი დაიკავა.

ყველა ახალი ამბავი
0