2018 წლის იანვრიდან ივნისის ჩათვლით საქართველოს აეროპორტებით 2,1 მილიონზე მეტმა მგზავრმა ისარგებლა, რაც 2017 წლის პირველი ნახევრის მონაცემებთან შედარებით, 30,8%–ით მეტია.
საქართველოს ეკონომიკისა და მდგრადი განვითარების სამინისტროს სამოქალაქო ავიაციის სააგენტოს მონაცემებით, ზაფხულის სანავიგაციო სეზონის პიკის დროს საერთაშორისო აეროპორტებში კვირაში 540–550 ფრენა ხორციელდება. მაშინ როცა 2017 წლის პიკის პერიოდში კვირაში ფრენების სიხშირე დაახლოებით 470–ს შეადგენდა.
