სანაკოევა: რატომ ხოცავენ გველებს ასე უმოწყალოდ ადამიანები?
„ბავშვობიდან მიყვარდა ცხოველები. პირველად სოფელში, წყალში დავინახე პატარა ანკარა და ხელში დაჭერა მომინდა. ძალიან ლამაზი იყო და მომეწონა. ცოტა შიშის შეგრძნება კი მქონდა, მაგრამ როგორც კი ხელში დავიჭირე, ეს შიში გამიქრა. თან უსამართლობის გრძნობა გამიჩნდა, რატომ ხოცავენ ასე უმოწყალოდ ადამიანები? ისინი ნამდვილად არ იმსახურებენ ასეთ მოპყრობას", — განაცხადა სანაკოევამ.
ალისა სანაკოევა გველებითა და სხვა ეგზოტიკური ცხოველებით წლების წინ დაინტერესდა. დღეს ალისას სახლში გველი კრეგი, ჩხირულები, გიგანტური აფრიკული ლოკოკინები და ძაღლი რიჩარდი ცხოვრობს.
