თბილისი, 3 აგვისტო — Sputnik. საქართველოს სახელმწიფო უსაფრთხოების სამსახურთან არსებული სპეცილური კომისია, რომელიც ქვეყანაში კომუნისტური სიმბოლიკის გავრცელების აკრძალვაზე მუშაობს, სამცხე-ჯავახეთში საბჭოთა პერიოდის ძეგლებს შეისწავლის, იუწყება Новости-Грузия სუს-ის პრესსამსახურზე დაყრდნობით.
უსაფრთხოების სამსახური ქართველი ფაშისტებით დაინტერესდა >>
საბჭოური სიმბოლიკის შესწავლას საფუძვლად რეგიონული გაზეთ „სამხრეთის კარიბჭეს“ მიმართვა დაედო. ივნისში გაზეთმა თავის ვებგვერდზე გამოაქვეყნა სტატია სახელწოდებით „სტალინის ძეგლები და მონუმენტები — აკრძალული საბჭოური სიმბოლიკა სამცხე-ჯავახეთში“. რეგიონის ზოგიერთ სოფელში დღემდე დგას სტალინის ძეგლები.
საქართველოში 2011 წლიდან „თავისუფლების ქარტიის კანონი“ მოქმედებს.
„ძეგლების არსებობასთან დაკავშირებით, რომლებიც ტოტალიტარულ კომუნისტურ იდეოლოგიას ატარებს, „თავისუფლების ქარტიის კანონით“ განსაზღვრულმა კომისიამ საქართველოს ზოგიერთ რაიონში, საკითხის სრულფასოვანი შესწავლის მიზნით თვითმმართველობის ორგანოებს მიმართა“, — აღნიშნეს სუს-ში.
„თავისუფლების ქარტიის“ თანახმად, კომისიის მოთხოვნების შეუსრულებლობა იწვევს გაფრთხილებას, ხოლო კანონის განმეორებითი იგნორირება — ჯარიმას 1 000 ლარის ოდენობით.
