წმინდა სამების მონასტერი სამების მთაზე აჭარის ერთ-ერთი ღირსშესანიშნაობაა. იხილეთ Sputnik-საქართველოს ფოტოლენტაში ტაძრის სურათები, რომელიც კარგადჩანს ბათუმის ცენტრიდან
ბათუმის ცენტრიდან მონასტრამდე დაახლოებით 30 წუთის სავალია. ამ ადგილის ნახვა ნამდვილად ღირს, მითუმეტეს, რომ ქალაქზე აქედან ულამაზესი ხედი იშლება.
წმინდა სამების მონასტერი XIX საუკუნის ბოლოს აიგო
მზიან ამინდში მონასტერი კარგად ჩანს ბათუმის პორტიდან და ცენტრიდან
ტაძრის ტერიტორია გალამაზებულია გაზონით და ბაღებით. ბალახზე გამაფრთხილებელ ნიშნებსაც შეხვდებით, თუმცა მხოლოდ ქართულ ენაზე
მონასტრისკენ ციცაბო მთაზე ვიწრო გზა მიდის. მონასტრის შესასვლელთან მოწყობილია სადგომიც, თუმცა ადგილის პოვნა აქ ყოველთვის ძალიან რთულია
მონასტრის ტერიტორიაზე შესვლამდე გვხვდება კერძო სახლიც, რომლის პირველ სართულზეც განთავსებულია კაფე. დამსვენებლებს აქ შეუძლიათ წაიხემსონ და ხედებით მიიღონ სიამოვნება
მონასტრის შესასვლელში ავტომობილებს გზას ჭიშკარი უკეტავს, წინააღმდეგ შემთხვევაში არაერთი მძღოლი მოისურვებდა ტაძრის კიბეებამდე მანქანით მისვლას
მონასტრისკენ მიმავალი გზა საკმაოდ ლამაზია, სადაც ხშირად შეხვდებით ტურისტებს
ველური ცხოველებისგან ტერიტორიას მავთულხლართებით იცავენ
მონასტრის გზაზე ასევე მრავლადაა გამაფრთხილებელი ბანერები, თუ როგორი სამოსითაა ტაძრის ტერიტორიაზე შესვლა დასაშვები
შესასვლელთან ახლოს სტუმრებს ეგებება ადგილობრივი მაცხოვრებელი, რომელიც შორტებსა და კაბებში გამოწყობილ ტურისტებს ფეხების დასაფარად პლედების შემოხვევაში ეხმარება. ქალებს კი დამატებით აძლევს თავსაბურავებს
შემდეგ კი სტუმრები გზას განაგრძობენ ტაძრისკენ
წმინდა სამების მონასტრიდან არაჩვეულებრივი ხედი იშლება ბათუმსა და მის შემოგარენზე
დასვენების დღეებში მონასტერს მრავალი მექორწილე წყვილი სტუმრობს. აქ ასევე ხშირად ნათლავენ ბავშვებს
ზოგი სტუმარი კი უბრალოდ სამახსოვრო ფოტოების გადასაღებად მიდის მონასტრის ტერიტორიაზე
ტაძარში სურათის გადაღება არ შეიძლება, თუმცა ამ ფოტოს ავტორისთვის წესი უცნობი იყო, ამიტომ მან რამდენიმე ფოტოს გადაღება შეძლო მანამ, სანამ ეკლესიის მსახურებმა თხოვეს გადაღების შეწყვეტა
აჭარაში ყოფნისას მონასტრის ნახვის დაგეგმვა აუცილებელია
ხალხის უმეტესობა მონასტერს მანქანით სტუმრობს, თუმცა სტუმრების ნაწილი ტაძრამდე რამდენიმე კილომეტრიანი საცალფეხო ბილიკის გავლით ადის
დღისით ამ ხედის სანახავად უამრავი ხალხი მიდის ტაძარში
შენობა XIX საუკუნის ბოლოს აიგო. საბჭოთა კავშირის დროს მას საწარმოს ფუნქცია მიენიჭა, თუმცა 1947 წელს შენობას ნამდვილი დანიშნულება აღუდგინეს
1976 წელს წმინდა სამების ტაძარი ხანძარმა გაანადგურა. ამის შემდეგ შენობა მალევე აღადგინეს და 1979 წლიდან მონასტერმა ფუნქციონირება განაგრძო
ტაძარში ღვთისმსახურება ჩვეულებრივ აღევლინება, დღეში ორჯერ, დილით და საღამოს
ტაძართან მიდის საზოგადოებრივი ტრანსპორტიც - პატარა ავტობუსი. გზაში განთავსებულია გაჩერებებიც, რომელთაგან ბოლოც პარკინგის მისადგომთანაა
ტაძრის ტერიტორიაზე შესვლა დილის ცხრა საათიდან საღამოს ექვს საათამდე არის შესაძლებელი
