თბილისი, 24 ივლისი — Sputnik. ზუგდიდში თხილის ქარხნის საწყობში სამი ტონა თხილი დაიწვა, ნათქვამია საგანგებო სიტუაციების მართვის სამსახურის მიერ გავრცელებულ განცხადებაში.
შემთხვევა სოფელ დარჩელში დღეს, შუადღეს მოხდა. ცეცხლი საკვამურს გაუჩნდა. ხანძრის შედეგად არავინ დაშავებულა.
ადგილზე მობილიზებული იყო სამი სახანძრო-სამაშველო ბრიგადა. ამ დროისთვის ხანძარი ლიკვიდირებულია.
მომხდარ ფაქტთან დაკავშირებით შინაგან საქმეთა სამინისტროს გამოძიება არ დაუწყია.
