თბილისი, 15 ივლისი — Sputnik. ბათუმში სოციალურ კაფეში Free Space ქართველი თვითნასწავლი მხატვრის თიკი ბაღაშვილის გამოფენა მიმდინარეობს.
მხატვარი და ფოტოგრაფი თიკი ბაღაშვილი თბილისელია. ხატავს ფანქრით, აკრილის და ზეთის საღებავებით.
„ვიზუალური ხელოვნება — საუკეთესო ხერხია გამოვხატო ის, რასაც ვფიქრობ, რასაც ვგრძნობ, რაც მიყვარს ან მძულს. როდესაც ჩემს შემოქმედებას ვუყურებ და ის მე მომწონს — ეს საუკეთესო გრძნობაა“, — ციტირებენ თიკი ბაღაშვილს გამოფენის ორგანიზატორები.
ექსპოზიციაზე მხატვრის მიერ ბოლო წლებში შესრულებული ნამუშევრებია წარმოდგენილი.
ღონისძიებაზე მოეწყობა ბაღაშვილის ფერწერით გაფორმებული სხვადასხვა ნივთის გამოფენა-გაყიდვა. პროექტის ფინანსური მხარდამჭერია აჭარის განათლების, კულტურისა და სპორტის სამინისტრო.
ექსპოზიცია 26 ივლისამდე გასტანს.
