თბილისი, 11 ივლისი — Sputnik. თბილისის სახელმწიფო უნივერსიტეტში მესამე წელია 70 წლის გიორგი მიქაძე სწავლობს, ნათქვამია თბილისის სახელმწიფო უნივერსიტეტის Facebook-გვერდზე გამოქვეყნებულ ინფორმაციაში.
გიორგი მიქაძე ივანე ჯავახიშვილის სახელობის თბილისის სახელმწიფო უნივერსიტეტში საქართველოს კულტურული მემკვიდრეობის გიდის პროფესიულ საგანმანათლებლო პროგრამას ეუფლება.
„ჩემთვის თსუ-ში მოსვლა და ლექციებზე დასწრება ნამდვილი დღესასწაულია. პროგრამაზე ჩაბარების მსურველი 100 კანდიდატიდან მხოლოდ 10 მიიღო უნივერსიტეტმა, ძალიან სასიხარულო და ნამდვილი ზღაპარი იყო სწორედ ამ ათეულში მოხვედრა. ძალიან კარგი კურსელები მყავს და სასიამოვნოა როგორც მათთან, ისე ლექტორებთან კომუნიკაცია“, – ამბობს გიორგი მიქაძე.
მიქაძე რუსულ და ინგლისურ ენებს ფლობს, სწავლის პარალელურად კი გიდად მუშაობს.
