თბილისი, 6 ივლისი — Sputnik. თბილისში, დიღომში ავტოავარია მოხდა, რომლის შედეგად სამი ადამიანი დაიღუპა, ორი კი დაშავდა, იუწყება საზოგადოებრივი მაუწყებლის პირველი არხი.
გავრცელებული ინფორმაციით, ერთმანეთს ორი მსუბუქი ავტომობილი და ერთი სამარშრუტო მიკროავტობუსი შეეჯახა.
დაღუპულები ერთ-ერთ მსუბუქ ავტომობილში ისხდნენ.
სისხლის სამართლის საქმე აღიძრა სისხლის სამართლის კოდექსის 276-ე მუხლით (მეშვიდე ნაწილით), რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ორი ან მეტი ადამიანის სიცოცხლის მოსპობა. დანაშაული ისჯება ექვსიდან ათ წლამდე ვადით თავისუფლების აღკვეთით.
