თბილისი, 27 ივნისი — Sputnik. სასაზღვრო გამშვებ პუნქტ „სარფთან“ ახლოს თურქეთის ტერიტორიაზე ჩამოსულმა მეწყერმა საქართველო-თურქეთის საზღვარზე ტრანსპორტის მოძრაობა შეზღუდა, ნათქვამია შსს-ს განცხადებაში.
40 კგ-მდე ოქრო, ვერცხლი და ავტომობილის ნაწილები – „სარფში" აზერბაიჯანის მოქალაქე დააკავეს >>
შსს-ს მონაცემებით, სარფი-ტრაპიზონის გზა კლდის ნაწილმა გადაკეტა, რომელიც მეწყრის შედეგად ჩამოიშალა.
„უსაფრთხოების ზომებიდან გამომდინარე, თურქეთის თხოვნით, ორი ქვეყნის შესაბამისი უწყებების გადაწყვეტილებით, საქართველო-თურქეთის სახელმწიფო საზღვარზე („სარფის“ მონაკვეთზე) დროებით შეიზღუდა როგორც სატრანსპორტო საშუალებების, ასევე, ქვეითთა გადაადგილება“, — ნათქვამია განცხადებაში.
გზის გაწმენდის შემდეგ მოძრაობა აღდგება.
