არჩილ თალაკვაძემ დროებითი საპარლამენტო კომისიის მთავარი ამოცანა დაასახელა
„პარლამენტმა კომისიასთან დაკავშირებით პრინციპული გადაწყვეტილება მიიღო და ჩვენ ყველაფერს გავაკეთებთ იმისათვის, რომ კითხვები, რომლებიც საზოგადოებას რჩება, იყოს ბოლომდე პასუხგაცემული“, — აღნიშნა არჩილ თალაკვაძემ.
ხორავას ქუჩაზე ორი მოზარდის მკვლელობის საქმის შესწავლის მიზნით შექმნილი დროებითი საგამოძიებო კომისია 17 ადამიანისგან დაკომპლექტდება. მასში შევლენ მმართველი პარტია „ქართული ოცნება — დემოკრატიული საქართველოს" ფრაქციის რვა წარმომადგენელი, ოპოზიციური პარტია „ევროპული საქართველო — მოძრაობა თავისუფლებისთვის" ფრაქციის ექვსი წარმომადგენელი, „ერთიანი ნაციონალური მოძრაობისა" და „საქართველოს პატრიოტთა ალიანსის" ფრაქციების თითო-თითო წარმომადგენელი და ერთი დამოუკიდებელი დეპუტატი. კომისიას დეპუტატი ოპოზიციიდან სერგი კაპანაძე უხელმძღვანელებს.