ელიზაბეტ II-ის ისტორიული კორონაცია

ელიზაბეტ II - დიდი ბრიტანეთის მმართველი დედოფალი უიდსორთა დინასტიიდან, რომელიც სახელმწიფოს სათავეში 1952 წლიდან უდგას

მეფე ჯორჯ VI, ელიზაბეტის მამა, 1952 წლის 6 თებერვალს გარდაიცვალა. 1952 წელს, მეუღლის თანხლებით ელიზაბეტმა საიდუმლო საბჭოს ფიცი დადო და სამეფოს სათავეში ჩაუდგა. ერთი საათის შემდეგ ჰეროლდმეისტერმა დედოფლის ტახტზე ასვლის შესახებ ოფიციალურად გამოაცხადა სენ-ჯეიმსის სასახლის ვერანდიდან. "ღმერთო, დაიფარე დედოფალი!" - ჰეროლდმეისტერის ბოლო სიტყვების შემდეგ, მეფის გარდაცვალების დროს დაშვებული დროშები კვლავ აღმართეს. ფოტოზე - დედოფალი ელიზაბეტ II კორონაციის დროს ამბიონთან მიდის

ეს იყო ბრიტანელი მონარქის პირველი კორონაცია, რომელიც ტელევიზიის საშუალებით უჩვენეს - მაშინ პირდაპირი ეთერს თვალს ადევნდებდა 27 მილიონი ადამიანი. ფოტოზე - უინდსორის ჰერცოგი ედუარდი და უელსის ჰერცოგინია პარიზში უყურებენ კორონაციას

ელიზაბეტ II-ის კორონაციისთვის მზადება დაიწყო ტახტზე ასვლისთანავე დაიწყო, თუმცა ღონისძიება მხოლოდ 16 თვის შემდეგ შედგა. ფოტოზე - დედოფალი ელიზაბეტ II პრინცი ფილიპის,ედინბურგის ჰერცოგის, პრინცი ჩარლზის, პრინცესა ანას, დედოფალი ელიზაბეტის და პრინცესა მარგარეტის თანხლებით გამოდის ბუკინგემის სასახლის აივანზე

ცერემონია დაიწყო ბუკინგემის სასახლიდან უესტმინსტერის სააბატომდე მსვლელობით, ინგლისისა და ბრიტანეთის ყველა მმართველის კორონაციის ადგილი

კორონაციის დღეს დედოფალთან მისასალმებლად დაახლოებით სამი მილიონი ადამიანი გამოვიდა ქუჩაში

ომის შემდგომი მძიმე პერიოდში ელიზაბეტ II-ის კორონაცია ხალხისათვის დასამახსოვრებელი მოვლენა უნდა ყოფილიყო და ნათელი მომავლის სიმბოლოდ უნდა ქცეულიყო. ფოტოზე - დედოფალი ელიზაბეტ II და პრინცი ფილიპი

კორონაციისათვის სამოსზე სამეფო ოჯახის რჩეულმა მოდელიორმა ნორმან ჰარტნელმა იზრუნა. თეთრი ატლასის კაბა გაწყობილი იყო ხელით შეკერილი ყვავილებით და მცენარეებით - გაერთიანებული სამეფოს და მეგობარი ქვეყნების ნაციონალური ემბლემებით , მათ შორის ინგლისური ვარდით, შოტლანდიური ნარშავით, ირლანდიური სამყურით, კანადური ნეკერჩხლის ფოთოლი და სხვა სიმბოლოები. ფოტოზე - პრინცესა ალექსანდრა კრისტაბელი, პირნცი მაიკლ ჯორჯ ჩარლზ ფრანკლინი, პრინცესა მარგარეტი, გლოსტერის ჰერცოგი, დედოფალი ელიზაბეტ II, ედინბურგის ჰერცოგი, დედოფალი, აალგაზრდა ჰერცოგი, პრინცესა, გლოსტერის ჰერცოგინია, პრინცი უილიამ გლოსტერი და პრინცი რიჩარდ გლოსტერი

უესტმინსტერის სააბატოში დედოფლის მისვლის შემდეგ, სადაც მას 8000 სტუმარი ელოდა, კორონაციის რელიგიური ცერემონია დაიწყო

საზეიმო ღვთისმსახურება აღავლინა კენტერბერიის მთავარეპისკოპოსმა, ინგლისური ეკლესიის სულიერმა მეთაურმა

ამბიონთან დედოფალმა ფიცი დადო, რომ დაიცავდა სამართლიანობას, საკუთარი მიწების კანონებსა და ინგლისურ რწმენას

შემდეგ კენტერბერიის მთავარეპისკოპოსმა ცერემონიის უძველესი და წმინდა ნაწილი აღასრულა: საკორონაციო ტახტზე მჯდომ დედოფალს მირონი აცხეს. როგორც კი დედოფალმა მიიღო სამეფო კვერთხი, სამფლობელო, მანტია და გვირგვინი, ყველამ ერთად წარმოთქვა: "ღმერთო, დაიფარე დედოფალი!"

ელიზაბეტ II რიგით 39-ე ეკურთხა მონარქად უესტმინსტერის სააბატოში

საინტერესო ფაქტი - კორონაციის ხელისმომკიდეთა შორის იყო ანსამბლის მონაწილე 9 წლის ბიჭი - კიტ რიჩარდსი, მომავალში ბენდის Rolling Stones გიტარისტი

კორონაცია თითქმის სამი საათის განმავლობაში გრძელდებოდა, რის შემდეგაც დედოფალი, მისი მეუღლე და კორონაციის მონაწილე თითქმის 16 ათასი ადამიანი ქუჩაში გამოვიდა

კორონაციის შემდეგ ელიზაბეტი ოქროს კარეტით დაბრუნდა ბუკინგემის სასახლეში. სასახლის ღობესთან უამრავი ადამიანი სკანდირებდა: "ჩვენ გვსურს ვიხილოთ დედოფალი!". დედოფალი ოჯახის თანხლებით გამოვიდა სასახლის ვერანდაზე, სადაც მას უამრავი ადამიანი შეეგება

დედოფლის ტახტზე ასვლა ტელევიზიის ისტორიაში მნიშნელოვან მოვლენად იქცა. მანამდე კორონაციის ცერემონია არასდროს გადაუღიათ. მიუხედავად იმისა, რომ პრემიერ-მინისტრი უისტონ ჩერჩილი გადაღების წინააღმდეგი იყო, დედოფალმა საპირისპირო გადაწყვეტილება მიიღო

პირდაპირი ეთერი შავ-თეთრი იყო, მიუხედავად იმისა, რომ ჩანაწერი ფერადი იყო. დიდ ბრიტანეთში კორონაციას დაახლოებით 20 მილიონი ადამიანი ადევნებდა თვალს (მოსახლეობის 40%). ამ დღიდან ტელევიზიამ ძირითადი ადგილი დაიკავა დიდი ბრიტანეთის გასართობ ინდუსტრიაში

დედოფალი ელიზაბეტ II-ის კორონაცია შესანიშნავი მმართველობის დასაწყისს აღნიშნავდა. ბრიტანეთის ისტორიაში ყველაზე ხანგრძლივი მმართველი სწორედ დედოფალი ელიზაბეტ მეორეა