თბილისი, 30 მაისი — Sputnik. საკალათბურთო კლუბი „ბასკონია", რომლის კაპიტანიც საქართველოს ნაკრების თავდამსხმელი თორნიკე შენგელიაა, ესპანეთის ჩემპიონატის ნახევარფინალში გავიდა.
1/4 ფინალის მეორე მატჩში „ბასკონიამ" „უნიკახა" 80:64 დაამარცხა და სერია მოიგო 2:0.
შენგელიამ მოედანზე სულ 18 წუთი და 30 წამი გაატარა, მის ანგარიშზეა 8 ქულა, 6 მოხსნა და 2 შედეგიანი გადაცემა.
უნდა აღინიშნოს, რომ „უნიკახაში" ერთ-ერთი საუკეთესო საქართველოს ნაკრების კიდევ ერთი მოთამაშე გიორგი შერმადინი იყო. მის ანგარიშზეა 11 ქულა, 4 მოხსნა და 1 შედეგიანი გადაცემა.
ფინალში გასასვლელად „ბასკონია" „ბარსელონასა" და „ანდორას" შორის გამარჯვებულს შეხვდება. პირველი ნახევარფინალური მატჩი 4 ივნისს გაიმართება.
