თბილისი, 28 მაისი — Sputnik. საქართველოში ეკოლოგიური ფონის გასაუმჯობესებლად 30 მილიონი ლარი დაიხარჯება, იუწყება ტელეკომპანია Imedi.
კომპანიამ Rich Metal Group (RMG) დაიწყო გარემოს დაცვის პროექტი, რომლის მთავარი მიზანია ქვეყანაში ეკოლოგიური პრობლემების გადაჭრა.
„2017 წლიდან დაწყებული გვაქვს გარემოს დაცვის პროგრამა, რომელიც 3 წლის განმავლობაში გვაქვს განსახორციელებელი, ძალიან მოკლე დრო მოგვცა სახელმწიფომ ამისთვის და ჩვენ ეს შედეგი უნდა დავდოთ", — განაცხადა კომპანიის დირექტორმა ჯონი შუბითიძემ.
RMG დიდი საწარმოა საქართველოსა და ამიერკავკასიაში, რომელიც სამთო-მომპოვებელ მრეწველობაში საქმიანობს. 2011-2014 წლებში კომპანიამ საქართველოში განახორციელა 300 მლნ აშშ დოლარის ინვესტიცია.
კომპანიის ერთ-ერთი მთავარი პრიორიტეტია ქვეყნის გარემოზე ზრუნვა.
კომპანიაში 2012 წელს ჩამოყალიბდა ჯანდაცვის, შრომის უსაფრთხოებისა და გარემოს დაცვის ახალი სტრუქტურა, რის შემდეგაც გარემოს დაცვის ახალი პოლიტიკა შემუშავდა.
