თბილისი, 27 მაისი — Sputnik. საფრანგეთის აუქციონზე ღვინის გაყიდვით რეკორდი დამყარდა, იუწყება ტელეარხი Euronews.
ლუდოვიკო XVI მმართველობის პერიოდის, 1774 წლის მოსავლის ვინტაჟის ღვინის ბოთლი 107 000 ევროდ გაიყიდა. აუქციონზე იმავე კოლექციის კიდევ ორი ბოთლი გაიყიდა: ერთი 76 250 ევროდ, მეორე — 73 200 ევროდ.
აუქციონის ორგანიზატორების მონაცემებით, მყიდველები არიან კანადელები, აგრეთვე ანონიმური მყიდველი საფრანგეთიდან, რომელმაც ღვინო ვინმე ამერიკელებისთვის შეიძინა.
ბოთლში ინახება ყვითელი ღვინო „არბუა“, რომელიც ითვლება მსოფლიოში ერთ-ერთ უძველეს შენახულ ღვინოდ. ბოთლებს არ დაუტოვებიათ ოჯახური მარანი არბუაში, სწორედ ამიტომ არის შენარჩუნებული ღვინის კონდიცია.
1994 წელს კომისიამ 24 ექსპერტი-დეგუსტატორის შემადგენლობით ღვინის ეს მარკა ათქულიანი სისტემით შეაფასა და მას 9,4 ქულა მიანიჭა.
