რუსთაველის გამზირზე სიმსივნით დაავადებულების დასახმარებლად საქველმოქმედო კუთხე მოეწყო

© photo: Sputnik / Igor Zarembo / გადასვლა მედიაბანკშიონკოჰემატოლოგიის განყოფილების პატარა პაციენტები
ონკოჰემატოლოგიის განყოფილების პატარა პაციენტები - Sputnik საქართველო
გამოწერა
НовостиTelegram
შეგროვებული თანხა მოხმარდება სიმსივნით დაავადებული ბავშვების და 22 წლამდე ახალგაზრდების მკურნალობას.

თბილისი, 26 მაისი — Sputnik. 26 მაისს „საქართველოს სოლიდარობის ფონდმა“ რუსთაველის გამზირზე საქველმოქმედო კუთხე წარმოადგინა, იუწყება ტელეკომპანია „იმედი“ (Imedi).

დამოუკიდებლობის აღდგენიდან ასი წლის იუბილესთან დაკავშირებით ფონდმა ბრენდირებული პროდუქცია დაამზადა. პროდუქცია მეოცე საუკუნის პირველ პერიოდთან დაკავშირებული საინტერესო ესკიზებით და საარქივო მასალით არის გაფორმებული.

რატი ფიფია - Sputnik საქართველო
მე, შენ, ჩვენ - ბექასთვის! ბიჭი, რომელიც ძმის გადასარჩენად ნოველებს წერს

საქველმოქმედო ღონისძიებაზე შეგროვებული თანხა მთლიანად მოხმარდება სიმსივნით დაავადებული ბავშვების და 22 წლამდე ახალგაზრდების მკურნალობას და დიაგნოსტირებას.

სოლიდარობის ფონდი 2014 წელს პრემიერმინისტრის ინიციატივით შეიქმნა. ფონდის მიზანია საზოგადოების, კერძო სექტორისა და სახელმწიფოს თანამონაწილეობით ე.წ. „ინოვაციური დაფინანსების მექანიზმების“ ამოქმედება და ალტერნატიული (არასაბიუჯეტო) რესურსების მობილიზაცია საქართველოში მცხოვრები სოციალურად განსაკუთრებულად დაუცველი ან კატასტროფული სოციალური დანახარჯების რისკის წინაშე მდგარი ბავშვებისა და ოჯახების მხარდასაჭერად.

„ერისიონი“ სიმსივნით დაავადებული ბავშვებისთვის საქველმოქმედო კონცერტს გამართავს >>

ფონდმა დღემდე ონკოლოგიური დაავადებების მქონე 500-ზე მეტი ბავშვისა და მოზარდის მკურნალობა და დიაგნოსტიკა დააფინანსა, როგორც ქვეყნის შიგნით, ასევე – საზღვარგარეთ.

სოლიდარობის ფონდის ამოქმედებიდან საქართველოში, უსახსრობის გამო, სიმსივნით დაავადებული არც ერთი ბავშვი და ახალგაზრდა არ დაღუპულა.


ყველა ახალი ამბავი
0