თბილისი, 20 მაისი — Sputnik. თელავში 26 წლის მამაკაცი დაჭრეს, იუწყება ტელეკომპანია „იმედი“ (Imedi).
დაჭრილი საავადმყოფოში გადაიყვანეს.
შსს-ს თანამშრომლებმა სავარაუდო დამნაშავე ცხელ კვალზე დააკავეს, ამის შესახებ ინფორმაცია უწყებამ ოფიციალურ ვებგვერდზე გაავრცელა.
„გამოძიებამ დაადგინა, რომ დაკავებულმა მიმდინარე წლის 20 მაისს, ქალაქ თელავში, ურთიერთშელაპარაკებისას, ცივი იარაღით, 1992 წელს დაბადებულ გ.ბ.-ს სხეულის დაზიანება მიაყენა და შემთხვევის ადგილიდან მიიმალა. დაჭრილი მამაკაცი სამედიცინო დაწესებულებაში გადაიყვანეს. მის სიცოცხლეს საფრთხე არ ემუქრება“.
მანამდე გავრცელდა ინფორმაცია, რომ დაჭრილის მდგომარეობა მძიმე იყო.
პოლიციამ დანაშაულის ჩადენის იარაღი — დანა ნივთმტკიცებად ამოიღო.
შსს-ს განცხადებით, მომხდარზე გამოძიება 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს და სამიდან ექვს წლამდე ვადით თავისუფლების აღკვეთას ითვალისწინებს.
