ლისის ტბა ყოველკვირეულად „თბი–ლისს“ უმასპინძლებს

CC0 / Pixabay / კალათბურთი
კალათბურთი - Sputnik საქართველო
გამოწერა
თბილისელებსა და დედაქალაქის სტუმრებს შესაძლებლობა ეძლევათ პერიოდულად სპორტულ ღონისძიებებში მიიღონ მონაწილეობა

თბილისი, 17 მაისი — Sputnik. ყოველკვირეული სპორტული ფესტივალი „თბი–ლისი“, რომელიც ახალგაზრდებს შორის სპორტის პოპულარიზაციას ისახავს მიზნად, სტარტს ლისის ტბაზე აიღებს, იუწყებიან ორგანიზატორები.

ფესტივალი თბილისის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის ინიციატივით, ყოველ შაბათს გაიმართება. 

მსოფლიო მარათონი Wings for Life World Run - Sputnik საქართველო
რამდენი გაირბინა კახეთში მარათონი Wings for Life 2018-ის გამარჯვებულმა

ფესტივალის სტუმრებს შესაძლებლობა ექნებათ საკუთარი ძალები მოსინჯონ კალათბურთში, ჭიდაობაში, კრივში, გოლფში, ჭადრაკში, ნარდში, ფარიკაობაში, მხატვრულ ტანვარჯიშსა და მაგიდის ჩოგბურთში. სპორტული ღონისძიებების ძირითადი ნაწილი 12:00 საათიდან 18:00 საათამდე ჩატარდება.

გარდა გამაჯანსაღებელი და სპორტული პროგრამებისა, ფესტივალი კულტურულ–საგანმანათლებლო ღონისძიებებს.

 „თბი–ლისის“ ფარგლებში მოეწყობა არტ–ბაზრობა, სადაც ხელნაკეთი ნივთები გაიყიდება.

ძირითადი ნაწილის დასრულების შემდეგ, ფესტივალი ქართული ჯგუფ „სალიოს“ კონცერტით გაგრძელდება და სხვადასხვა დი–ჯეების გამოსვლით დასრულდება.

მონაწილეების რეგისტრაცია ღონისძიების დაწყებამდე მოხდება. ფესტივალზე დასწრება უფასოა.


ყველა ახალი ამბავი
0