თბილისი, 15 მაისი — Sputnik. სენაკში ახალგაზრდა მამაკაცმა სიცოცხლე თვითმკვლელობით დაასრულა, იტყობინება ადგილიდან „Sputnik-საქართველოს” კორესპონდენტი.
არსებული ინფორმაციით, მამაკაცმა საკუთარ საცხოვრებელ სახლში სასიკვდილო ჭრილობა სანადირო თოფით მიიყენა.
ჯერჯერობით, უცნობია რა გახდა თვითმკვლელობის მიზეზი.
როგორც „Sputnik-საქართველოს” შინაგან საქმეთა სამინისტროს პრესსამსახურში განუცხადეს, მომხდართან დაკავშირებით გამოძიება სსკ-ის 115-ე მუხლით („თვითმკვლელობამდე მიყვანა") მიმდინარეობს, რაც ითვალისწინებს თავისუფლების შეზღუდვას სამ წლამდე ვადით ან თავისუფლების აღკვეთას ვადით ორიდან ოთხ წლამდე.
