თბილისი, 15 მაისი — Sputnik. РИА Новости Украина-ს წარმომადგენლობის ხელმძღვანელი ანდრეი ბოროდინი სავარაუდოდ დაკავებულია — ჟურნალისტი სამშაბათის დილიდან კავშირზე არ გამოდის, იუწყება РИА Новости.
ამ დროს უკრაინის გენერალური პროკურორის იური ლუცენკოს Facebook-გვერდზე РИА Новости Украина-ს კიევის ოფისში ჩატარებული ჩხრეკისას ამოღებული მასალების ფოტოებს შორის გამოქვეყნებულია ბოროდინის დოკუმენტები — Россия сегодня-ს ოფისის საშვი, საბანკო ბარათი, მათ შორის ერთ-ერთი რუსული ავიაკომპანიის ლოიალობის პროგრამა და სადაზღვევო მოწმობის ბარათი.
— Маргарита Симоньян (@M_Simonyan) May 15, 2018
Россиянин, между прочим.
Россия-матушка, защити — ты же умеешь.
სამშაბათს უკრაინის უსაფრთხოების სამსახურის თანამშრომლები РИА Новости Украина-ს კიევის ოფისში შევიდნენ. იქ მყოფი ჟურნალისტი ქალი კავშირზე აღარ გამოდის. ასევე ცნობილი გახდა РИА Новости Украина-ს პორტალის ხელმძღვანელის კირილ ვიშინსკის დაკავების შესახებ.
საერთაშორისო საინფორმაციო სააგენტო Россия сегодня-ს და ტელეარხ RT-ს მთავარი რედაქტორი მარგარიტა სიმონიანი მიიჩნევს, რომ მომხდარი ყირიმის ხიდთან დაკავშირებული შურისძიებაა. მან აღნიშნა, რომ რესურსი РИА Новости Украина იურიდიულად საერთაშორისო საინფორმაციო სააგენტო Россия сегодня-ს არ უკავშირდება, თუმცა სააგენტოს საინფორმაციო პარტნიორს წარმოადგენს.
