ანდრო ივანოვი: რუსეთთან მეგობრობა ევროკავშირში ინტეგრაციაზე უარის თქმას არ ნიშნავს
„ჩემი წიგნი რუსულ-ქართული ურთიერთობების მოკლე ისტორიულ ანალიზს წარმოადგენს… რუსეთი ევროპის უდიდესი ნაწილია, ჩვენ უნდა მივიდეთ იმ აზრამდე, რომ რუსეთთან მეგობრობა არ ნიშნავს ევროინტეგრაციაზე უარის თქმას და არ უნდა დავივიწყოთ დიდებული რუსთაველის სიტყვები — „ვინც მოყვარესა არ ეძებს იგი თავისა მტერია“. მხოლოდ მეგობრობაში და სიყვარულში შეიძლება იყოს მშვიდობა“, — უთხრა ანდრო ივანოვმა Sputnik საქართველოს ჟურნალისტს.
ანდრო ივანოვი თავის წიგნში მოგვითხრობს იმ ადამიანებზე, ვისი ცხოვრებაცა და პროფესიაც საქართველოსა და რუსეთთან დაკავშირებული აღმოჩნდა. ესენი არიან გამოჩენილი ექიმები, პიანისტები, მევიოლინეები, საოპერო მომღერლები, მხატვრები, რეჟისორები, საზოგადო მოღვაწეები, მეცნიერები და მღვდელმსახურები.
