ზესტაფონში გამომძალველები დააკავეს - ვიდეოკადრები

© Sputnik / Alexander Imedashviliსაპატრულო პოლიცია
საპატრულო პოლიცია - Sputnik საქართველო
გამოწერა
Yandex newsTelegram
დაკავებულები წარსულში სხვადასხვა მძიმე დანაშაულისთვის მრავალჯერ ნასამართლევი პირები არიან

თბილისი, 15 აპრილი – Sputnik. სამართალდამცველებმა ზესტაფონში გამოძალვის და ძალადობის ბრალდებით 38 და 36 წლის ორი მამაკაცი დააკავეს, ნათქვამია შსს-ს მიერ გავრცელებულ განცხადებაში.

უწყების ინფორმაციით, დაკავებულები წარსულში სხვადასხვა მძიმე დანაშაულისთვის მრავალჯერ ნასამართლევი პირები არიან.

როგორც გამოძიებით დადგინდა, ბრალდებულებს, რომლებიც ერთი დანაშაულებრივი დაჯგუფების წევრები არიან, კიდევ ერთი თანამზრახველი, 34 წლის მამაკაცი ჰყავდათ. ის ქურდული სამყაროს წევრობისათვის მიმდინარე წლის თებერვალში დააკავეს.

გასულ წელს ზესტაფონში სამივემ ერთ-ერთ მოქალაქეს ქურდული გარჩევა მოუწყვეს და ხელკეტით სცემეს. ისინი მოქალაქეს მოკვლით ემუქრებოდნენ და 15 000 აშშ დოლარის ოდენობის თანხას უკანონოდ სძალავდნენ.

ოდესაში ქართველი კანონიერი ქურდი დააკავეს >>

გამოძიება გამოძალვის და ძალადობის ფაქტებზე საქართველოს სსკ-ს 181-ე და 126-ე მუხლებით მიმდინარეობს, რაც 4-დან 7 წლამდე ვადით პატიმრობას ითვალისწინებს. 

ყველა ახალი ამბავი
0