თბილისი, 7 აპრილი — Sputnik. ტერაქტის შედეგად გერმანიის სამხრეთ ნაწილში დაახლოებით 50 ადამიანი დაშავდა, იუწყება РИА Новости გაზეთ Focus-ზე დაყრდნობით.
მანამდე მედია იუწყებოდა, რომ მიუნსტერის ცენტრში ადამიანების ჯგუფს, რომლებიც ღია კაფეს მაგიდებთან ისხდნენ, სატვირთო შეეჯახა, სამი ადამიანი დაიღუპა, სულ მცირე 30 დაშავდა. სავარაუდოდ, საუბარია ტერაქტზე. პოლიციამ დაადასტურა, რომ არიან დაღუპულები და დაშავებულები.
„დაშავებულთა საერთო რიცხვია 50“, — წერს გამოცემა.
პოლიციაზე დაყრდნობით გამოცემა იუწყება, რომ სატვირთოს მძღოლმა თავი მოიკლა.
ამ მომენტისთვის მიუნსტერის ცენტრი გადაკეტილია, სამართალდამცველები ასაფეთქებელ მოწყობილობას ეძებენ. გამოცემის ინფორმაციით, მომხდარის თავზე ვერტმფრენი დაფრინავს.
