„ALMA Accent Prime-ეს არის მსოფლიოში ყველაზე ეფექტური აპარატი, რომლითაც ჩვენს კლინიკაში ხდება ცელულიტის მოშორება და მოდუნებული კანის კორექცია. ცელულიტების აპარატურულ მკურნალობაში ძირითადად გამოიყენება ორი ტექნოლოგია. ეს არის ულტრაბგერა და რადიოტალღა. გვაქვს ყველაზე მძლავრი ულტრაბგერა და რადიოტალღა. ულტრაბგერა მნიშვნელოვანია ორ ძირითად სტრუქტურაზე, ცხიმოვან ქსოვილზე და კანზე. ულტრაბგერა მოქმედებს ცხიმოვან ქსოვილზე. ამით ვაზიანებთ ცხიმოვანი უჯრედის მემბრანას და ვმოქმედებთ კავიტაციის პრინციპით“, ამბობს სანიკიძე.
როგორც სანიკიძემ განმარტა, ულტრაბგერითი ენერგია, სელექციურად ანადგურებს ცხიმოვან უჯრედებს, ხოლო RF-ენერგია აჩქარებს მოცემული უჯრედების მეტაბოლიზმის პროცესს და უზრუნველყოფს სწრაფ და ეფექტურ ლიმფო დრენაჟს. ცხიმოვანი უჯრედების განადგურების შემდეგ, RF ენერგია, ეფექტური ტემპერატურული მოქმედებით, ხელს უწყობს მოცულობითი კუმშვითი ეფექტის გაუმჯობესებას, ამასთან ერთად ჭიმავს კანს და აუმჯობესებს მის ტექსტურას, ასევე ხელს უწყობს ახალი კოლაგენის ფორმირებას.
