პრეზიდენტმა საკონსტიტუციო ცვლილებებს ხელი მოაწერა

© FB / Giorgi Margvelashviliგიორგი მარგველაშვილი
გიორგი მარგველაშვილი - Sputnik საქართველო
გამოწერა
საქართველოს განახლებული კონსტიტუცია ძალაში 2018 წლის საპრეზიდენტო არჩევნების შემდეგ, ზოგიერთი ნორმა კი შემდგომ წლებში შევა.

თბილისი, 2 აპრილი — Sputnik. საქართველოს პრეზიდენტმა გიორგი მარგველაშვილმა პარლამენტის მიერ დამტკიცებულ საკონსტიტუციო ცვლილებებს ხელი მოაწერა, იუწყება საზოგადოებრივი მაუწყებლის პირველი არხი.

საქართველოს პარლამენტმა ქვეყნის მთავარ კანონში შესატანი ცვლილებები 23 მარტის პლენარულ სხდომაზე დაამტკიცა. ოპოზიციამ კენჭისყრაში მონაწილეობა არ მიიღო.

საქართველოს განახლებული კონსტიტუცია ძალაში 2018 წლის საპრეზიდენტო არჩევნების შემდეგ, ზოგიერთი ნორმა კი შემდგომ წლებში შევა.

ახალი ვერსიის თანახმად, საკანონმდებლო ორგანოში 150-ვე მანდატი პოლიტიკურ პარტიებს შორის არჩევნებზე მიღებული ხმების პროპორციულად გადანაწილდება და არა როგორც მოსალოდნელი იყო „ბონუსების სისტემით". „ბონუსების სისტემის" შემთხვევაში ხელსაყრელ მდგომარეობაში აღმოჩნდებოდა პარტია, რომელიც ხმების დიდ რაოდენობას მიიღებდა. კერძოდ, იგი ყველა გაუნაწილებელი მანდატის მოპოვებას შეძლებდა.

საქართველოს პარლამენტი - Sputnik საქართველო
პარლამენტმა საქართველოს კონსტიტუციაში ცვლილებები დაამტკიცა

მანდატების რაოდენობის განსაზღვრისთვის, პარტიების მიერ მიღებული ხმები 150-ზე გამრავლდება და გაიყოფა ყველა იმ პარტიის მიერ მიღებული ხმების რაოდენობაზე, რომლებმაც მიიღეს ამომრჩეველთა ხმების არანაკლებ 5%.

გარდა ამისა, კონსტიტუციაში შევიდა შესწორება, რომელიც 2020 წლის საპარლამენტო არჩევნებისთვის საარჩევნო ბლოკების შექმნას ითვალისწინებს, ამასთან არჩევნებზე გამსვლელი ბარიერი 3% იქნება.

ძალაში რჩება 2018 წლის შემდეგ პირდაპირი საპრეზიდენტო არჩევნების გაუქმება. ამ შემთხვევაში იცვლება ტერმინოლოგია. პრეზიდენტს საარჩევნო კოლეგია აირჩევს, ხოლო ტერმინი „ხმოსანი" ტერმინით – „საარჩევნო კოლეგიის წევრი" შეიცვლება.

საქართველოს პარლამენტის შენობა - Sputnik საქართველო
ცვლილებები მიღებულია: ორი შეხედულება ერთ კონსტიტუციაზე

გარდა ამისა, იცვლება იმ შესწორებების ამოქმედების ვადები, რომლებიც ეხება საქართველოს მოქალაქეობის ჩამორთმევის აკრძალვას იმ შემთხვევაში, თუ ადამიანი სხვა ქვეყნის პასპორტს აიღებს. ეს ნორმა ძალაში შევა არა 2018 წლის ნოემბერში, არამედ საქართველოს კონსტიტუციაში ახალი შესწორებების ამოქმედებისთანავე.

კიდევ ერთი შესწორება ეხება საკონსტიტუციო სასამართლოში არჩევნების კონსტიტუციურობის საკითხის გადაწყვეტისას სრული კონსენსუსის აუცილებლობას. ვენეციის კომისიის რეკომენდაციების თანახმად, დგინდება აღმსარებლობის თავისუფლების დაცვის სტანდარტები.

საქართველოს პარლამენტმა განახლებული კონსტიტუციაში შესატანი ცვლილებები 2017 წლის 26 სექტემბერს დაამტკიცა, თუმცა, მას პრეზიდენტმა ვეტო დაადო. საპარლამენტო უმრავლესობამ ვეტო 13 ოქტომბერს დაძლია. საბოლოოდ, განახლებული კონსტიტუციის პროექტს პრეზიდენტმა ხელი 2017 წლის 19 ოქტომბერს მოაწერა.

ყველა ახალი ამბავი
0
თავიდან ახლებითავიდან ძველები
loader
ეთერში
Заголовок открываемого материала
საერთაშორისო
InternationalEnglishინგლისურიMundoEspañolესპანური
ევროპა
DeutschlandDeutschგერმანულიFranceFrançaisფრანგულიΕλλάδαΕλληνικάბერძნულიItaliaItalianoიტალიურიČeská republikaČeštinaჩეხურიPolskaPolskiპოლონურიСрбиjаСрпскиსერბულიLatvijaLatviešuლატვიურიLietuvaLietuviųლიეტუვურიMoldovaMoldoveneascăმოლდოვურიБеларусьБеларускiბელარუსული
ამიერკავკასია
ԱրմենիաՀայերենსომხურისაქართველოქართულიქართულიAzərbaycanАzərbaycancaაზერბაიჯანული
ახლო აღმოსავლეთი
Sputnik عربيArabicარაბულიTürkiyeTürkçeთურქულიSputnik ایرانPersianფარსიSputnik افغانستانDariდარი
ცენტრალური აზია
ҚазақстанҚазақ тіліყაზახურიКыргызстанКыргызчаყირგიზულიOʻzbekistonЎзбекчаუზბეკურიТоҷикистонТоҷикӣტაჯიკური
აღმოსავლეთი და სამხრეთ-აღმოსავლეთი აზია
Việt NamTiếng Việtვიეტნამური日本日本語იაპონური中国中文ჩინური
სამხრეთი ამერიკა
BrasilPortuguêsპორტუგალიური