თბილისი, 1 აპრილი — Sputnik. იაპონიაში იყიდება ნაყინი, რომელიც არ დნება და 28 გრადუს სითბოშიც კი ინარჩუნებს ფორმას, იუწყება ბრიტანული გამოცემა Daily Mail.
სხვადასხვა უცნაური ფორმის დესერტები იაპონიის ერთ-ერთ საკონდიტროში მზარეულმა სრულიად შემთხვევით შექმნა. მას ნუგბარის ახალი სახეობის შექმნა სურდა და ამისათვის იყენებდა „ულამაზო“ მარწყვს, რომელიც არასტანდარტული ფორმისაა და გასაყიდად არ გამოდგებოდა.
本日もオープンしてます🍭🌈💭
— 金座和アイス原宿店 (@kanazawaice) October 25, 2017
▷営業時間🎊10:00~20:00
雨ですが☂️今日もみなさまのおこしをこころよりおまちしております☺️🍳💭💓 pic.twitter.com/B2L8TtVVCa
რამდენიმე ექსპერიმენტის შემდეგ მზარეული მიხვდა, რომ მარწყვის ექსტრაქტის ჩამატების შემდეგ კრემი მაგრდება. მიუხედავად იმისა, რომ ის საკონდიტრო ნაწარმში უსარგებლო და ზედმეტია, სპეციალისტებმა მისი გამოყენება ნაყინში გადაწყვიტეს.
მეცნიერების თქმით, მარწყვის ექსტრაქტი კარაქსა და წყალს აორთქლებასა და გამოყოფაში ხელს უშლის, ამიტომ დესერტი გაყინულ მდგომარეობაში რჩება, თუნდაც ფენის ზემოქმედების ქვეშაც. ჟურნალისტებმა, მკვლევარმა და რიგითმა მომხმარებელმა დატესტეს პროდუქტი. ის სითბოში მოათავსეს და სიცხით ზემოქმედება სცადეს. შედეგად ნაყინი თავდაპირველ ფორმას დიდი ხნის განმავლობაში ინარჩუნებდა.
იმის შესახებ, გაიყიდება თუ არა დესერტი Kanazawa Ice იაპონიის ფარგლებს გარეთ, ცნობილი არ არის.
