თბილისი, 25 მარტი – Sputnik. საქართველოს ფეხბურთის ნაკრების და მოსკოვის „სპარტაკის“ ნახევარმცველმა ჯანო ანანიძემ საქართველო-ლიტვას შორის თბილისში გამართული ამხანაგური მატჩის (4:0 საქართველოს სასარგებლოდ) დროს მუხლის ტრავმა მიიღო.
მოსკოვის „სპარტაკის“ ნახევარმცველი უხერხულად დაეცა და მას მოედნის დატოვება საკაცით შეხვედრის დასაწყისშივე მოუწია.
„მაგნიტო-რეზონანსულმა ტომოგრაფიამ, რომელიც გვიან ღამით, თბილისში ჩატარდა, დაადასტურა პირველადი დიაგნოზი: მარჯვენა მუხლის წინა ჯვარედინი მყესების დაზიანება. ჯანოს ოპერატიული მკურნალობა ელოდება. მუდმივი კავშირი გვაქვს საქართველოს ნაკრების ექიმთან. ოპერაციის თარიღისა და ფეხბურთელის აღდგენის სავარაუდო დროის შესახებ მოგვიანებით შეგატყობინებთ”, — განაცხადა „სპარტაკის“ სამედიცინო დეპარტამენტის ხელმძღვანელმა მიხაილ ვართაპეტოვმა.
წინასწარი ინფორმაციით, ნახევარმცველი თამაშებს რამდენიმე კვირით გამოეთიშება.
ანანიძე მწყობრში მიმდინარე წლის მარტში ჩადგა. გასული წლის ნოემბერში ნახევარმცველს მარცხენა კოჭ-წვივის სახსრის მწესებზე ოპერაცია ჩაუტარდა.
