სამი კაცის დაჭრაში ბრალდებულს პატიმრობა შეეფარდა : დაკავებულს უვადო პატიმრობა ემუქრება

© photo: AFP 2020 / NOEL CELISხელბორკილები წინასწარი დაკავების საკანზე
ხელბორკილები წინასწარი დაკავების საკანზე - Sputnik საქართველო
გამოწერა
ბრალდებული ბრალს არ აღიარებს და თავს დამნაშავედ არ ცნობს.

თბილისი, 17 მარტი — Sputnik.  ზუგდიდში, 13 მარტს სამი კაცის დაჭრაში ბრალდებულს ზუგდიდის რაიონულმა სასამართლომ აღმკვეთი ღონისძიების სახით, პატიმრობა შეუფარდა, იუწყება ტელეკომპანია „იმედი“ (Imedi).

დაკავებულის ადვოკატის, ბაჩუკი ყურაშვილის განაცხადებით, ბრალდებული ბრალს არ აღიარებს და თავს დამნაშავედ არ ცნობს.

ბრალდებულის დაკავება - Sputnik საქართველო
ზუგდიდში სამი პირის დაჭრისთვის 33 წლის მამაკაცს უვადო პატიმრობა ემუქრება

გავრცელებული ინფორმაცით, მომდევნო სხდომა 2 მაისს არის დაგეგმილი.

შემთხვევა 13 მარტს მოხდა. გამოძიებამ დაადგინა, რომ დაკავებულმა ზუგდიდში, ბარამიას ქუჩაზე ურთიერთშელაპარაკებისას ცეცხლსასროლი იარაღით სამი პირი დაჭრა და შემთხვევის ადგილიდან მიიმალა. იგი წარსულში ნასამართლევია. არსებული ინფორმაციით, ინციდენტი ქურდულ გარჩევას უკავშირდებოდა. შს სამინისტროს თანამშრომლებმა სამი პირის დაჭრის ფაქტზე 33 წლის მამაკაცი ფოთში, მომხდარიდან მეორე დღეს დააკავეს. 

გამოძიება მიმდინარეობს სსკ-ის 19–109 მუხლის მე-3 ნაწილით, რაც გულისხმობს ორი ან მეტი პირის განზრახ მკვლელობის მცდელობას დამამძიმებელ გარემოებაში და 236-ე მუხლის მე-2 და მე-3 ნაწილებით (ცეცხლსასროლი იარაღის შეძენა, შენახვა, ტარება). განზრახ მკვლელობის მუხლი 16-დან 20 წლამდე ვადით ან უვადო თავისუფლების აღკვეთას ითვალისწინებს.

 

 

 

ყველა ახალი ამბავი
0