თბილისი, 12 მარტი — Sputnik. რუსთავის ერთ-ერთ საცხოვრებელ კორპუსში ხანძარი გაჩნდა, იუწყება საზოგადოებრივი მაუწყებლის პირველი არხი.
შემთხვევა რუსთავში, მეგობრობის გამზირზე მოხდა. ხანძარი საცხოვრებელ კორპუსში მდებარე ერთ-ერთ ბინას გაუჩნდა. გავრცელებული ინფორმაციით, ცეცხლი ხატების კუთხეში ანთებული სანთლისგან გავრცელდა. დამწვარია სამლოცველო კუთხე, საყოფაცხოვრებო ნივთები და რამდენიმე კვადრატული მეტრი ფართობი.
შემთხვევის შედეგად არავინ დაშავებულა.
ადგილზე მობილიზებული იყო სახანძრო-სამაშველო ბრიგადები. ხანძარი ამ დროისთვის ლოკალიზებულია.
