თბილისი, 8 მარტი – Sputnik. საქართველოში დაბადების დღეს 8 მარტს 16,6 ათასი ადამიანი აღნიშნავს, მათგან უმრავლესობა ქალია. ასეთია საქართველოს იუსტიციის სამინისტროს სახელმწიფო სერვისების განვითარების სააგენტოს Facebook–გვერდზე გამოქვეყნებული მონაცემები.
კერძოდ, საქართველოში ცხოვრობს ქალთა საერთაშორისო დღეს დაბადებული 10,1 ათასი ქალი და 6,4 ათასი მამაკაცი.
კვლევის თანახმად, ყველაზე მეტი ბავშვი 8 მარტს დაიბადა 1990 წელს – მაშინ საქართველოში 273 ახალდაბადებული დაარეგისტრირეს.
რაც შეეხება რეგიონებს, 8 მარტს დაბადებულთა უმეტესობა ცხოვრობს იმერეთში (2 085), ქვემო ქართლში (2 000), აჭარაში (1 457), კახეთში (1 437), სამეგრელო–ზემო სვანეთში (1 178), შიდა ქართლში (1 000), სამცხე–ჯავახეთსა (622) და მცხეთა–მთიანეთში (599).
8 მარტი საქართველოში უქმე დღედ არის გამოცხადებული.
