თბილისი, 7 მარტი — Sputnik. დღეს, დილით თბილისში, კოსტავას ქუჩაზე სატვირთო მანქანას ცეცხლი გაუჩნდა, იუწყება საზოგადოებრივი მაუწყებლის პირველი არხი.
გავრცელებული ინფორმაციით, სატვირთო მანქანა თივით იყო დატვირთული.
ადგილზე სახანძრო-სამაშველო ბრიგადა მუშაობდა. ამ დროისთვის ცეცხლი უკვე ლიკვიდირებულია.
ანალოგიური შემთხვევა კოსტავას ქუჩაზე ორი დღის წინაც მოხდა — სატვირთო მანქანაზე განთავსებულ თივას ცეცხლი წაეკიდა. მეხანძრე-მაშველებმა ცეცხლი მალევე ჩააქრეს.