თბილისი, 3 მარტი — Sputnik. მეხანძრეებმა დედებს დღესასწაული ვიდეორგოლით მიულოცეს — ვიდეორგოლი საგანგებო სიტუაციების მართვის სამსახურის Facebook-ის გვერდზე 3 მარტს გამოჩნდა.
დღესასწაულის ისტორია საქართველოს პირველი პრეზიდენტის, ზვიად გამსახურდიას სახელს უკავშირდება, რომელმაც 1991 წელს ის პარლამენტის დასამტკიცებლად გამოიტანა. ახალ დღესასწაულს ქალთა საერთაშორისო დღე უნდა შეეცვალა, რადგან მაშინ 8 მარტი, გამსახურდიას ინიციატივით, გააუქმეს.
თუმცა, ათი წლის შემდეგ 8 მარტი ისევ დღესასწაულად იქცა — 2002 წელს, საქართველოს მეორე პრეზიდენტ ედუარდ შევარდნაძის პერიოდში, პარლამენტის გადაწყვეტილებით ის აღადგინეს.
8 მარტი კვლავ დღესასწაულად ნინო ბურჯანაძის ინიციატივით იქცა, რომელიც მაშინ პარლამენტის თავმჯდომარის პოსტს იკავებდა.
შესაბამისად, საქართვცელოში ქალებსა და დედებს ორი დღესასწაული ეძღვნება — 3 მარტი და 8 მარტი, ორივე დღე უქმეა.
