თბილისი, 2 მარტი — Sputnik. საქართველოს ფინანსთა სამინისტროს საგამოძიებო სამსახურის თანამშრომლებმა ყალბი ფულის შენახვა-გასაღების ფაქტზე ერთი პირი დააკავეს, იუწყება ტელეკომპანია Imedi.
როგორც გამოძიებით დადგინდა, ბრალდებულმა ოთხი ერთეული ყალბი 100-დოლარიანი კუპიურა შიდა ქართლის რაიონში გაასაღა. დაკავებულის პირადი ჩხრეკისას სამართალდამცველებმა ნივთმტკიცების სახით 200 აშშ დოლარის ოდენობის ყალბი კუპიურები ამოიღეს.
გამოძიება საქართველოს სისხლის სამართლის კოდექსის 212-ე მუხლით აღიძრა, რაც გულისხმობს ყალბი ფულის ან ფასიანი ქაღალდის დამზადებას ან გასაღებას და ითვალისწინებს შვიდიდან ათ წლამდე ვადით თავისუფლების აღკვეთას.
